Finishes June

Here are my small finishes for June, some of the projects have been in very slow progress for a long time!

Her er dei ferdige små prosjekta for juni månad. Dresden-grytekluten er hekla sist veke, litt frå eit mønster og litt etter innfallsmetoden. Oppvaskklutane har lege lenge. Bella-puta er omsider ferdig montert, namnet kjem frå mormora mi, Bella Olufine, som hekla mange slike puter på sine eldre dagar. Eg har prøvd etter beste evne å rekonstruere... Labbane i midten er frå sist veke, dei andre har vore under arbeid lenge. Muggruggane skulle bli ferdige til påske... og den blå løparen burde vore ferdig for fleire år sidan. Eg driv og ryddar på hobbyrommet, men ryddinga går seint, når eg då skal gjere ferdig ting etter kvart. Dette er høveleg arbeid når skodda ligg tett ute, slik det har vore siste veka. I dag har det forresten vore fint ver, og Hilde og eg har hatt ein kjempekoseleg tur til kystbyen Måløy. Der har dei nokre veldig kjekke butikkar, Princess har topp service, så der blei det kjøpt gardiner m.m. Garnbutikken til Henny var eit anna lyspunkt, der fylte eg litt opp lageret mitt av bomullsgarnet over alle, Mandarin Petit, og så hadde ho fått inn ei alldeles fersk lestebok, den blei gjebuspresang til meg sjølv...